Munnlegt tónheyrnarpróf
Miðpróf í tónfræðagreinum er þrískipt, þ.e.
munnlegt próf, skriflegt próf og valverkefni. Skal öllum
hlutum prófsins lokið á sama skólaári. Prófþættir á
munnlegu prófi eru þessir:
Munnlegt próf (20 einingar)
1. Hryndæmi endurtekið eftir heyrn (5
einingar)
2. Hryndæmi lesið af blaði (5 einingar)
3. Laglína endurtekin eftir heyrn (5
einingar)
4. Laglína lesin af blaði (5 einingar)
Framkvæmd
Framkvæmd og fyrirgjöf munnlega prófsins er á hendi
hvers tónlistarskóla. Skólastjórar í
einstökum skólum bera ábyrgð á að framkvæmd og
fyrirgjöf munnlegra prófþátta sé í samræmi við
leiðbeiningar og fyrirmæli Prófanefndar.
Prófdómari, sem ekki er tónfræðakennari nemandans,
stjórnar framkvæmd prófsins. Sjálfsagt er þó að
kennarinn sé viðstaddur og er honum heimilt að leika þau
dæmi sem nemandinn á að herma, að öðrum kosti leikur
prófdómari dæmin. Ekki skulu aðrir vera viðstaddir
prófið.
Miða skal við að próftími á munnlegu prófi fari ekki
fram yfir 10 mínútur á hvern nemanda. Ekki er nauðsynlegt
að prófþættirnir séu prófaðir í ofangreindri röð.
Í hverjum prófþætti dregur nemandi um það verkefni
sem hann á að leysa af tveimur til fjórum mögulegum.
Nemandi skal fá stutta stund (u.þ.b. 30 sekúndur) til þess
að líta yfir dæmi sem honum er ætlað að flytja af
blaði. Tóndæmin sem nemandanum er ætlað að herma skulu
leikin þrisvar á meðalhraða.
Flutningur nemanda er frjáls, t.d. hvað varðar hraða,
hvort púlsinn er sleginn, hvort notuð eru hrynatkvæði,
söngheiti eða nótnanöfn.
Mat á frammistöðu
Hámarkseiningarfjöldi á munnlega prófinu er 20 einingar
og gefur því hver prófþáttur að hámarki 5 einingar.
Eftirfarandi skal hafa til hliðsjónar þegar frammistaða
nemanda er metin:
| Frammistaða: |
Einingar: |
 |
|
- Dæmi er flutt hiklaust og án hnökra
|
5 |
- Dæmi er flutt hiklaust og að mestu rétt
|
4 |
- Hikandi flutningur, þó yfirleitt réttar nótur
og hrynur
|
3 |
- Mikið um rangar nótur og hryn
|
2 |
- Mjög mikið um rangar nótur og hryn
|
1 |
- Nemandi reynir ekki við dæmið
|
0 |
Niðurstöðum munnlega prófsins, ásamt mati á
valverkefni, skal skilað rafrænt á eyðublaði sem
Prófanefnd sendir tónlistarskólunum.
Síðast breytt 4. apríl 2009
|
